azerbaijan news app
“Bizi heç də asan oyun gözləmir”
image
2018-10-13 19:40

UEFA Millətlər Liqasının qrup mərhələsinin 4-cü turunda Azərbaycan millisi Malta yığmasını qəbul edəcək. 

“Qafqazinfo” xəbər verir ki, oyundan öncə təşkil edilən mətbuat konfransında millimizin baş məşqçisi Qurban Qurbanov fikirlərini bölüşüb. 46 yaşlı mütəxəssis jurnalistlərin suallarını cavablandırıb:

 - Hər oyunumuz vacibdir. Oyunların sayı azaldıqca daha da vacibləşir. Fərqli sistemdə oynayan çətin rəqibə qarşı oynayırıq. Maltanı tanıyırıq. Oyunun vacibliyini yaxşı bilirik. Diqqətimiz bu oyundadır. Futbolçularım sabah ən yaxşı oyunlarından birini oynamağa çalışacaqlar. Düşünürəm ki, bunu bacaracaqlar. - Avrokuboklarda rəqiblərlə oyunda komandaya fərqli motivasiya - Yaxşı nəticə üçün yaxşı oynamaq lazımdır. Bunun üçün daim çalışırıq. Bəli, fərqli turnirlərdir. Hər bir halda, meydana yaxşı oynamaq üçün çıxırıq. Həmçinin, yaxşı oyunla yaxşı nəticə də arzulayırıq. Bu, ilk məqsədimizdir. Ola bilər ki, “Qarabağ”la millinin oyununda fərqlər var. Futbolçular daim maksimumu yerinə yetirmək üçün çalışırlar. - Farer adaları ilə matçla müqayisədə heyətdə dəyişiklik olacaq?

 - Heyətdə elə də dəyişiklik olmayacaq. Çox da dəyişiklik etmək fikrimiz yoxdur. Əsas məşqimiz sabah səhər olacaq. Futbolçuların yorğunluğunu nəzərə alaraq, bugünkü məşq ağır olmayacaq. Sabah konkret olaraq, səhər məşqindən sonra heyəti müəyyənləşdirəcəyik.

 - Kosovoya hər iki oyunda qol vuran rəqibin son bir ayda hansı dəyişiklikləri var? Rəqibin kapitanı Maykl Mifsudun yoxluğunu Azərbaycan millisinin xeyrinədir? 

- Çox düzgün qeyd etdiniz. Malta hər üç oyunda qol vurub. Bu, bizi diqqətli olmağa vadar edir. Çox fərqli sistemdə oynayırlar. Bu komandanı yaxşı tanıdıq. Kosovo ilə oyunlarına baxmışıq. Bizi heç də asan oyun gözləmir. Bu komandaya qol vurmaq üçün çox çətinlik çəkməliyik. Mifsudun yoxluğu problem deməzdim. Mifsuda simpatiyam var. 37 yaşı var, amma əsl peşəkardır. O, bizim futbolçulara da nümunədir. Onun olmamasına sevinmirəm. Rəqiblərin həmişə əsas heyətlə oynamalarını istəmişəm. Amma Maltanın sürətli futbolçuları var. Lakin kapitan aparıcı sima idi. 

- Rüfət Dadaşovun daha öncədən milliyə dəvət etmədiyiniz üçün təəssüflənmirsiniz? 

- Xeyr, yaratmır. Biz həmişə toplantılarda dəyişikliklər edirik. Yeni adlara rast gəlinir. Əfsuslar olsun ki, bunu bütün futbolçulara şamil etmək olur. Elə oyunçular var ki, klublarında oynayır, amma bizim düşündüyümüz sistemə uyğun deyilər. Bəzən onları milliyə məcburiyyətdən dəvət edirik. Çünki oyunçu sayımız elə də böy.ük deyil. Rüfətin çox oyunlarını izləmişdik. Lazım olan vaxtda dəvət etdik. Klubunu dəyişmişdi, daha sonradan zədələndi. Amma onun olmadığı dönəmdə digər futbolçularla yaxşı nəticələrə çalışırdıq. Hər bir futbolçumuzun performansını yaxşılaşdırmasına ehtiyacı var.

 

Xəbərin əsas linki (qafqazinfo.az)

Copyright © 2016 2018 All rights reserved.

ILK-10 Azeri Website Directory