AZ EN RU TR

azerbaijan news app
Thumbnail

Xalq Cümhuriyyətinin 100 illiyinə həsr olunan konsert keçirilib

2018-04-16 16:40 | www.apa.az | 11

Bakı Şəhər Mədəniyyət və Turizm Baş İdarəsinin G.Şaroyev adına 35 nömrəli onbirillik musiqi məktəbində Xalq Cümhuriyyətinin 100 illiyinə həsr olunmuş konsert keçirilib.

İdarənin mətbuat xidmətindən APA-ya verilən məlumata görə, konsertdə iştirak edən Bakı Şəhər Mədəniyyət və Turizm Baş İdarəsinin rəisi Vuqar Zeynalov əvvəlcə dövlət başçısı İlham Əliyevin prezident seçkilərində inamlı qələbəsi münasibətilə iştirakçıları təbrik edib.

O, G.Şaroyev adına 35 nömrəli onbirillik musiqi məktəbin fəaliyyətindən söz açaraq, keçirilən bütün tədbirlərdə fəal iştirakını qeyd edib. Sonra V.Zeynalov məktəbin şagirdlərini Fəxri Fərmanlarla təltif edərək kollektivə gələcək fəaliyyətində uğurlar arzulayıb.

Məktəbin şagirdlərinin ifasında Q.Qarayevin “Prelüd” lya bemol major, T.Quliyevin “Sevgi valsı”, Pikə Axundovanın “Qəlbimin səsi”, F.Şopenin “14saylı Etüd”, Dvorjakın “Melodiya”, Kurtisin “Torna a Sorrento”, Miroşnikovun “Rəqs”, Montinin “Çardaş” və digər Azərbaycan və dünya bəstəkarlarının əsərləri səsləndirilib.

Sonda xor kollektivi Arzu Abbasovanın “Bayraq” və M.Maqomayevin “Azərbaycan” əsərlərini ifa ediblər.

Qeyd edək ki, "APA Holding" konsertin informasiya dəstəkçisidir. 

Bu kateqoriyadaki digər xəbərlər